MGA MOPALIT OG MOTOR SA DAVAO, KINAHANGLAN MOAGI UNA OG TRAINING SA TESDA, SUMALANI KONSEHAL BALURAN

43

Kinahanglan na nga moagi sa training sa TESDA ang mga buot mopalit og motor sa Davao City. Kini kung mahimong ordinansa ang usa ka resolution nga gidungog karon sa konseho.

Sumala ni Committee on Transportation Chairman Konsehal Conrado Baluran, usa ka adlaw lamang ang training nga ipahigayon sa Crocodile Park.

Gipasabot ni Baluran nga kinahanglan maedukar una ang motor buyer kung unsaon ang luwas nga pagmaneho sa motor, una kini tugotan mopalit og motor.


Dugang ni Baluran nga makaluwas og kinabuhi ang disiplinado nga pag-maneho, ilabi na kay dul-an nuybe mil na ka riders ang nadisgrasya sa kadalanan sa syudad.

Pahimangnoan pud sa gihimong ordinansa ang mga motor dealers nga dili baligyaan og motor ang mga buyer nga walay certificate sa mugnaon nga motorcycle training center sa dakbayan.

Facebook Comments