General Santos City—Nagbahad karon si OIC Gensan City Police Director P/SSUPT. Romeo Ruel Berango sa tanang mga tayador og magpataya gamit ang Small Town Lottery Lotto kon STL sa Gensan nga dili sila magduha duha nga sikopon og kasuhan kini.
Kahibaluan nga gibasura na sa Sangguniang Panlungsod ang aplikasyon sa PCSO pinaagi sa Trinto Gaming Corp nga sila maka operate nga legal sa Gensan.
Matud pa ni OIC CD Berango nga human gibasura sa SP ang aplikasyon makunsidera ng illegal ang operasyon sa tanang mga STL outlet sa siyudad rason nga dili sila magduha duha sa pagsikop og pagpasakag kaso sa mga madakpan nga magpataya og manaya sa STL.
Kahibaluan nga una ng gihingusgan sa SP sa Gensan nga front lamang ang PCSO apan ang tinuorayng operasyon sa STL outlets mao ang iligal nga sugal nga last two kung asa pipila lamang ka mga operator og financier Ang mabulahan og lugi ang panudlanan sa gobyerno.
Nahimong kontrobersiyal ang hisgutanan kaniadto sa STL operation sa Gensan human gibanatan ni City Councilor og Atty Jeng Gacal Jr. si OIC City Director Berango nga inutil sa pagka opisyal sa kapulisan hinungdan nga gipasahan usab kini og persona non grata sa mga Konsehal sa Gensan. (Emir Bariquit)
