Pagadian City, Zamboanga del Sur- Gumikan sa padayong pagsaka sa insedente sa pagpangawat og motorsiklo sa syudad sa Pagadian naglusad og operasyon ang kapulisan diin gibista niini ang mga shop sa motor nga naa sa syudad og gidala sa presinto ang walay mga dokumento nga motorsiklo.
Kaganiha upat ka single motor ang nadala sa buhatan sa kapulisan arun imbestigahan kun dili ba kini kinawat nga mga motor. Sa interview sa RMN Pagadian kang Police Senior Inspector Julieto Aseniero naalarma na ang kapulisan gumikan kay halos matag adlaw dunay mga biktima sa pagpangawat.
Gidugang ni Aseniero ang ilang pagsuta sa mga motor nga naa sa mga shop pamaagi alang posibleng parekober sa mga motor nga nahanaw.
Ulahing biktima sa pagpangawat ang usa ka sundalo nga si Jesson Anadeo diin gikawat sa wala mailing suspek ang gipanag-iyahan ng Raider 150.
Ang kuha sa CCTV maoy posible nga agi-anan sa pag-ila sa mga kawatan.
Tags; RMN DXPR Pagadian 603
