Salug, Zamboanga del Norte – Nasapon sa kapolisan ang gipangita nga ulitawo kinsa suspetsado sa pagpanlugos, niadtong adlaw Domingo pasado alas 11:00 sa gabii didto sa lungsod sa Salug ning Lalawigan.
Ang nasikop sa mga tinugyanan sa Salug Municipal Police Station nga pangunahan ni SPO4 Dante Tabotabo ang wanted nga giilang si Rosvin Gonzales Enario, 20 anyos, ulitawo, nga taga Barangay Binoni, sakop sa susamang nga lungsod.
Nasuta nga ang suspek taod taod na nga gipangita human gipasakaan og kasong lugos niadtong bulan sa hulyo ning tuig didto sa lungsod sa Liloy.
Human nasayran sa kapolisan nga anaa sa dapit ang presensya sa suspetsado sa dapit deretso kining gi-operationan sa kapolisan nga miresulta sa pagkasikop niini.
Ang suspek nasutang adunay outstanding warrant of arrest sa kasong statutory rape ubos sa criminal case no. L-003175 nga giisyu ni Judge Oscar Tomarong sa Branch 28 sa RTC 9th Judicial Region, lungsod sa liloy.
Wala kini piyansa nga girekomendar. (-r.m-)
