Ya man stranded el mga motorista na highway anoche na vinidad del Ipil,Zamboanga Sibugay desfues raza el fuerza del tifun Vinta na lugar.
Porcausa del aguasero y fuerte viento ya tumba el cuantos mga pono y mga poste del coriente na mismo highway,rason para estangca el mga vehiculo y no fuede croza.
Ya tormenta tambien el mga rescuers responde na lugar causa del todas ulan.
Mismo ya el mga motorista el ya hace remedio quiliya arunza na canto del camino con el pono y poste de coriente que ya tumba na highway para fuede lang sila pasa.
Cuantos gulud ya man timpak tambien y el agua’y lodo ya traveza tambien na camino.
Este dia hay conduci el municipal disaster teams con el clearing del mga camino afectao junto con el DPWH y ZAMSURECO II.- Bhong Simbajon/RMN NEWS
