Montonadas del mga motorist el ya man stranded na highway desfues ya man timpak el porsyon del gulud na camino locao na vicinidad del Barangay Basalem na munisipyo de Buug, Zamboanga Sibugay de mas temprano.
Asegun con el mga testigo na lugar, amediante del aguasero na provincial, biglaan ya lang sila ya uwi bien suena galapakan del mga Piedra desdel gulud na canto del camino, donde insiguidas ya caba cay el mga grande-grande piedra, lodo y mga pono que ya sigui man timpak con el monte.
Porcausa del soceso, ya tapa con el entero camino, rason para man stranded el mga motorist y no fuede mas travesa para na unlao porsyon del highway.
Mismo el mga pulis del Buug quien ya responde na lugar el yah ace llamada con el asistencia desdel Provincial Engineering Office para utiliza el diila mga heavy equipments para quita con el mga piedra, lodo y mga pono que ya tapa con el camino.
Desfues del cuatro hora, ya fuede abri otravez con el camino que donde nuay man tambien el quien ya desgracia durante el soceso. – *Bhong Simbajon/RMN News*
