Gikanayon ni Uztad Alee Javier nga duna na’y moon sighting nga natigayon ugmang adlawa ang deklerasyon sa pagsugod sa Ramadan sa mga Muslim sa nagkadaiyang dapit sa Pilipinas.
Sigun ni Uztad nga atol sa sunrise magsugod ang panawagan nga puasa ug pag-ampo sa tanang mga Muslim ug paabuton ang sunset adiser pa sila maka- kaon pag-usab, kini isip pagsunod sa tradisyon, praktis, ug tinuhuan ni Propeta Mohammad.
Matod ni Uztad Alee nga subay sa pagtulon-an sa ilang Balaang Kasulatan nga mao ang “Quran”, ang pagkabuotan ug pagtunhay sa gugma ang sentro sa kasingkasing sa mga Muslim ning panahon sa Ramadan diin ang usa sa katoyoan sa ilang mga pag-ampo mao ang kaayohan sa tibuok kalibotan ug sa katawhan ug nga ilhon si Allah isip nag-inusarang Dios.
Gipanawagan ni Uztad Alee Javier ngadto sa tanang mga Muslim nga mag-antos sa pisikal nga panginahanglanon nga mahimong matinud-anon sa pagsunod sa tanang tulumanon sa Ramadan sama sa dili pagpatintal sa mga pagkaon ug uban pa hangtod dili pa mahuman ang Ramadan sa Abril 30 kon sunod buwan.
Radyoman Joel Viray
