Nagpahimangno karon sa Philippine National Police sa mga mutambong sa ika-50 nga anibersaryo sa New Peoples Army kon NPA.
Sa interview sa RMN Malaybalay ngadto kang PNP 10 regional spokesperson P/Supt. Surkie Sereñas, gibutyag niini nga walay Suspension of Military Operation kon SOMO ug Suspension of Police Operation kon SOPO ang AFP ug PNP bisan pa mang sa gideklarang duha ka hugna nga unilateral ceasefire sa CPP NPA.
Pahimangno ni Sereñas nga dili mutambong sa kalihukan sa walhong pondok tungod kay adunay posibilidad nga magpahigayon ug military operation ang kasundaluhan tungod kay walay SOMO ug basin mapagan unya sa crossfire ang mga moduyog sa aktibidad.
Maong gitambag niini nga kung imbitahan sa walhong pundok dili na lamang mutambong aron malikayan ang unsa mang disgrasya.
Samtang sa managlahing interview sa RMN gibutyag ni Ka Malem Mabini ang tigpamaba sa NPA NCMR nga magpadayon ang ilang unang gideklarang ceasefire bisan pa man tugbangi ug hunong buto sa militar.
Anaa matud pa sila sa defensive mode sa mao nga mga panahon ug naka-andam matud pa sila kung adunay operation nga himoon ang kasundaluhan ug kapulisan.
Una nang gipahayag ni Cpt. Marcelito Quijano, ang Civil Military Officer ug spokesperson sa 403rd Brigade sa interview sa RMN DXMB, nga padayon ang ilang operasyon bisan pa man sa mao nga ceasefire sa mga NPA aron mapugngan ang mga dautang plano sa mao nga grupo batok sa gobyerno.
