General Santos City–Gisugdan na ug montar sa General Santos City Police Office ang mga container van nga ibutang sa mga fix check point sa syudad nga magsilbing kapahuwayan ug silonganan sa mga sundalo ug pulis nga naga-bantay sa check points.
Sumala pa ni Police Senior Supt. Raul Supiter ang City Director sa General Santos City Police Office nga sa karon aduna na silay tulo ka mga container van nga nabutang sa 3 usab ka mga check point sa syudad samtang sunod nga butangan ang laing mga check points.
Ang mga container van butangan ug aircon, high end CCTV camera ug CR nga mahimong makapahulay ang mga pulis higayon nga mahuman ang ilang shift.
Gibuhat matud pa kini sa GSCPO aron nga dali maka-pahulay ang mga pulis nga anaa sa check point ug mas mahimong epektibo ang ilahang pagbantay sa seguridad sa syudad.
Nasayran nga adunay mga partners ang GSCPO nga mga stake holders nga maoy mitabang kanila sa pag palit sa mga gikinahanglanon sa maong proyekto ingon man ang tanang pulis sa syudad ang mihatag sa ilahang amot aron nga mahimo ang proyekto.
Mukabat sa tag P400.00 ang gihatag mga PNCO samtamg mas daku ang gihatag sa ilang mga opisyal.
