Mga na-stranded na pasahero sa Lipata Port, Surigao City nakabiyahe na

Mga na-stranded na pasahero sa Lipata Port, Surigao City nakabiyahe na Balik normal na an pagbiyahe nan mga Roro gikan Lipata Port, Surigao City pasingod sa Southern Leyte. Ini an tagkumpirmar nan Lipata Port Manager Engr. Allan Yap. Tagtudlo niini, human an paglibkas sa suspensiyon sa pagbiyahe nan Phil Coastguard ganina alas 7:00 sa buntag, nakabiyahe na an 261 ka pasahero ug 60 na cargoes na naunang na-stranded. Dugang pa ni Engr. Yap, kon kahapon nahimong puno an suyod sa Passenger Terminal, kuman nagkawaya na an mga tawo resulta kay nobiyahe na pasingod sa ila tagsa-tagsa na destinasyon.