GIHANGYO ni Provincial Governor Jose Ma. R. Zubiri Jr. ang mga membro sa Sangguniang nga tabangan nga makauli ang mga taga Bukidnon gikan sa abroad nga na stranded sa Manila ug sa ubang rehiyon tungod sa gipatuman nga hugot nga kwarantinas aron malikayan ang maong pandemic nga COVID-19.
Sa interview sa RMN ngadto kang Hansel Echavez, ang information officer sa Provincial Government of Bukidnon gibutyag niini nga gi-uyonan sa mga board members ang maong hangyo sa gobernador nga tabangan makauli ang mga katawhan nga stranded.
Gipangulohan ni PCL Ex-Officio Board Member Hon. Oliver Owen L. Garcia ang pag-proseso sa pagtabang para sa mga taga-Bukidnon nga na-stranded ug gi budgetan sa kantidad nga 2,000,000.00 pinaagi sa Provincial Budget Office(PBO) nga gi pangulohan ni Ms. Fe Retuertas aron gamiton sa pagkuha ug pag suporta sa mga katawhan nga na stranded.
Matod pa nga adunay sobra sa gatos na mga residente sa Bukidnon ang nag paabot sa ilang hangyo sa iyang opisina nga nagkalisud ug dili sila pwedeng pasagdan niining panahona.
Matud ni Echavez nga gamiton ang Nothern Mindanao Wellness and Reintegration Center sa Brgy. Casisang, Malaybalay City aron didto i-quarantine sulod sa 14 ka adlaw ang mga katawhan nga gi-tabangan nga maka uli gikan sa Manila.
Dungan niini, iyang gimando na hatagan ug libre nga pagkaon, butangan ug mga nurse ug doctor para sila ma monitor ug ma siguro nga himsog ang ilang panglawas sulod sa 14 ka adlaw. Ang tumong niini nga ma kontrolar ug ma proteksyonan ang pag sulod sa mga na stranded nga katawhan nga mga taga-Bukidnon, ug malikayan nga maka sulod sa Probinsya ang maong pandemic nga COVID-19.
