General Santos City—nakadawat nag tabang ang mga nabahaan sa Polomolok, South Cotabato, kini ang gikuperma sa Provincial Disaster Risk Reduction and Management Office (DRRMO).
Mismo si PDRRMO Action Officer Mila Lorca ang nagkumperma nga nakadawat nag Food and Non food assistance ang mukabat dul-an sa 150 ka pamilya nga naapektuhan sa Baha sa may Barangay Sto Nino ug Barangay Poblacion, Polomolok, South Cotabato niadtong nakalabayng simana.
Kahinumduman nga una nang gibanlas sa baha ang flood control structure sa lungsod nga miresulta sa pagawas sa tubig sa mga kabalayan nga miguba sa siyam ka mga balay.
Sa kasamtangan gidid-an una sa PDRRMO ang mga residenti daplin sa sapa nga magpabilin sa ilang mga pinuy-anan gumikan pelegroso nang puy-an ang lugar daplin sa mga sapa sa lungsod tungod wala nay magpugong sa baha gumikan sa pagkabungkag sa Flood Control structure sa maong lugar.
