E-discharge sa serbisyo ang duha ka sundalo ug 12 ka mga CAFGU nga gibihag sa rebelding New Peoples’ Army (NPA) sa gi-raid nga military detachment sa brgy. New Tubigon, Sibagat, Agusan del Sur alas 3 ang takna sa kaadlawon. Kini ang gipahayag ni MGen. Ronald Villanueva, division commander sa 4th ID Phil. Army sa interview sa RMN DXBC Butuan subay sa maong insidenti. Sigun sa opisyal nga e-discharge niya sa serbisyo ang maong mga sundalo ug CAFGU gumikan kay klarung adunay kapalpakan ug pagpabaya sa ilang trabaho human nangatulog ang tanang tropa atol sa pag-raid sa NPA. Gawas sa pagtangtang sa serbisyo, nanganti usab si MGen. Villanueva nga dili nila luwason ang mga bihag ug bahala na ang mga NPA nga magpakaon sa ilang mga dinakpan.
Subling gipasibaw ni MGen. Villanueva nga walay mahitabung ceasefire sa paning sa kasundaluhan tungod kay dili makig-estorya ang goberno sa mga NPA nga gikonsiderang teroristang grupo.
Dugtong sa maong balita… Daghang mga posibilidad ang gitutukan karon sa Armed Forces of the Philippines (AFP) sa gihimung imbistigasyon sa malampusong pag-raid sa rebelding New Peoples’ Army (NPA) sa military detachment sa brgy. New Tubigon, Sibagat, Agusan del Sur. Gidawat ni MGen. Ronald Villanueva, division commander sa 4th ID Phil. Army ang posibilidad nga nasudlan ang ilang tropa ug kakunsabo sa NPA. Possible usab nga ang mga kanhi NPA nga nagsurender ug nahimung CAFGU maoy direktang contact sa walhung grupo sa “movement” sa militar.
Bisan pa sa daghang mga posibilidad magpadayon ang AFP sa pagdawat sa mga kanhi NPA kinsa mosulod sa military ug anaa na sa ilang mga kamot kung hingpit na ba nilang talikdan ang kalihukan bugti sa daghang mga benepisyo nga gihatag sa goberno.
Sent from my Samsung Galaxy smartphone.
