Naglab-ot na sa 342 ka mga gun ban violators ang natigayon nga madakpan sang kapulisan sa bug-os nga Western Visayas matapos ginpatuman sang Commission on Elections ang election gun ban sang bulan sang Enero.
Sa nasambit nga numero sang mga nagkaladakpan, nakatigayon nga makakumpiskar ang mga otoridad sang 233 ka mga armas luthang kag 198 ka mga deadly weapons.
Natigayon nga madakpan ang mga natungdan nga violators sa ginahiwat nga checkpoint operations kag pagserbe sang search warrants.
Samtang nagahilapit ang eleksyon, labi pa nga ginapabaskog sang kapulisan ang operasyon batuk sa mga hagahupot sang illegal nga armas luthang agud mapabilin nga malinong kag matawhay ang pinili-ay sa bulan sang Mayo.
Facebook Comments
