Mga nag-abot nga returning Overseas Filipino Workers kag locally stranded individuals sa South Cotabato naglab-ot na sa masobra 580.

Nagalab-ot na sa 586 ka mga returning Overseas Filipino Workers kag locally stranded individuals ang nag-abot dire sa probinsya sang South Cotabato umpisa sang Mayo 25 tubtob sang Hunyo 2 sang aga base sa datos sang Integrated Provincial health Office.
Sa subong suno kay Provincial Health Education and Promotion Officer Hanah Ebeo padayon nga nagapaidalom sa 14 days quarantine ang mga ini kag hingyo naman niya sa mga nagaabot sa probinsya nga indi pagsingkahan kag hambalan sang malain nga tinaga ang mga health workers kag iban pa nga mga frontliners sa probinsya.
Ginkumpirmar man ni Ebeo nga isa lang sa mga locally stranded individual ang nagpositibo sa rapid test sa COVID 19 kag tigayon naman ini nga nakuhaan sang swab test para sa kumpirmasyon kon bala positibo gid man ini sa nasambit nga balatian.