Naglab-ot sa 2,536 ka mga jobseekers paagi sa WorkBank ang nagpartisipar sa ginpatigayon nga virtual Trabaho Negosyo Kabuhayan (TNK) Job and Business Fairs sang Department of Labor and Employment ukon DOLE 12 kadungan sang selebrasyon sang ika-123 nga Independence Day.
Sa nasambit nga numero 487 ang kwalipikado nga aplikante sa diin 67 ang malapit na nga mahire, 72 ang ginrefer saTechnical Skills and Development Authority (TESDA) para sa skills training kag 83 sa Department of Trade and Industry (DTI) para sa business opportunities.
Sa nasambit nga adlaw ginpatigayon man ang ceremonial release sa pili nga mga establishemento kag empleyado nga benepisyaryo sang COVID-Adjustment Measures Program (CAMP) 2.
Nakabaton naman ang mga benepisyaryo sang one-time P5, 000.00 cash assistance upod ang partner remittance center sang DOLE 12.
Suno kay DOLE 12 Regional Director Raymundo Agravante nga ginatinguhaan nila nga mabuligan ang mga bag-o graduates kag mga empleyado nga apektado sang COVID-19 pandemic nga makapangita sang desenti nga obra.
