Mga nagadeliver sang animal kag meat products sa South Cotabato indi exempted sa pagcomply sang requirements, animal quarantine checkpoint hugot nga ginapatuman sang Provincial Veterinary Office.

Bisan exempted sa provincewide Enhanced Community Quarantine and Calibrated Total Lockdown kontra COVID-19 ang mga nagadeliver sang animal kag meat products sa probinsya sang South Cotabato, indi naman ang mga ini exempted sa pagcomply sang requirements kapareho sang Veterinary health certificate kag local transport permits, suno kay Provincial Veterinarian Dr. Flora Bigot.
May-angot sini, agud nga indi na mabudlayan ang mga ini pwede sila magkuha sa mga gin-istablisar nila nga temporary satellite office sa Surallah kag Polomolok umpisa subong nga adlaw tubtob April 4.
Ini matapos suno kay Dr. Bigot nga nagapadayon ang ginapatuman nila nga animal quarantine checkpoint sa mga boundary areas sang probinsya sang South Cotabato agud nga mapunggan man ang pagsulod sang balatian nga bird flu kag African Swine Fever sa probinsya.
Samtang sa subong wala sila nagahatag sang permit sa mga ibyahe sa iban nga lugar tungod sa ginapatuman nga lockdown.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>