Kinahanglan nga kumpletuhon gid sang mga nagapangayo sang ayuda sa provincial government sang South Cotabato ang mga dokumento nga sadto ginapasugtan lang kon indi kumpleto, apang malimtan man nga kabangdanan nga madelatar ang transaction kag indi makarelease.
May-angot sini, suno kay Executive Assistant IV Rudy Jiminea sa step 1 pa lang ginasala sang maayo ang dokumento amo nga kon kulang indi gid makalusot sa masunod nga step amo nga may pipila nga magbalik-balik.
Lakip sa mga requirements nga dal-on sang mga nagapangayo sang bulig ang medical certificate, final hospital bill, 2 ka valid ID, reseta, medical abstract sa magpadialysis, death certificate kag Brgy. Certificate.
Ginpahayag man ni Jiminea nga indi makapagusto ang social worker kon pila ang ihatag tungod may-yara man sang assessment kag may taripa kapareho sa hospital bill nga yara sa P1, 500.00 – P5, 000.00 kon ang balayran ang P100k –P200k, sa medicine P2k ang ihatag, therapy kag MRI P3k, bone & joint P2, 500.00, burial,psychiatrist kag CT scan P2k, 2-D Echo P1,500 kag sa dialysis/chemo P5k ang ihatag nga ayuda.
Ginpanginwala niya man ang aligasyon nga wala sang social worker sa opisina amo nga nagahulat ang mga nagapangayo sang assistance tungod ginapatuman man ang no noon break sa provincial capitol.
