Pamilya, pipila ka kawani sa city treasurer’s office nanawagan ug lockdown
Subli nakadawat ug mga tawag ang RMN DXBC Butuan gikan sa nagpaila nga mga pamilya ug mismong kawani sa City Treasurer’s Office nga i-lockdown ang opisina gumikan kay anaa na sa 22 ka mga kawani nagka COVID positive.
Nagpadala na sumala pa ug hangyo ang mga kawani sa City Treasurer para lockdown ngadto sa City Administrator’s Office apan walay tubag hangtod sa karun.
Mismong hepe sa City Treasurer’s Office dili pasalig nga isira ang opisina tungod maapektuhan ang revenue collection, kini subay sa asoy sa source nga nagdumili pagpaila.
Wala usab sumala pa ma swab ang uban nga mga taga City Treasurer.
Nanawagan sila sa mayor nga dunggon ilang hangyo tungod ug alang sa health safety.
Nahimo na nga SOP sa mga opisina ma pribado man o publiko nga kung may positive automatic lockdown for disinfection.
Ang Sangguniang Panlungsod una na usab kini nga gisira ug gibalhin ang session hall tungod kay adunay nagpositibo nga staff sa mga konsehal.
Nabalaka ang pamilya sa mga kawani sa City Hall nga na-assign sa City Treasurers’ Office human natala ang taas nga kaso sa COVID 19 sa nasangpit nga buhatan.
Nasayran nga niabot sa 22 ang cumulative nga kaso sa COVID 19 sulod sa buhatan sa mamandi ning syudad hinungdan nga nagsirado ang City Hall niadtong nakalabyang adlaw alang sa disinfection.
Taliwala sa taas nga kaso sa virus apan padayong mag-duty ang mga kawani niini sanglit dili man mahimong hunungon ang operasyon kay diha nagsalig ang padayong serbisyo sa LGU Butuan ngadto sa mga katawhan.
Nanawagan ang pamilya sa mga kawani nga tagaan ug dugang pagtagad ang sitwasyon sulod sa nasangpit nga opisina.
Wala pay pahayag ang City ug hall ug City PIO niining maong hitabo.
