Mga nagkalain-laing bulkan sa Pilipinas, gihisgutan sa LGU Bukidnon

47

GIHISGUTAN sa Pangagamhanang Probinsyal sa Bukidnon, ang mga nagkalain-laing mga bulkan sa Pilipinas, atol sa gipahigayon nga Disaster Preparedness Information Education Campaign, sa pagpanguna sa PDRRMC, dili pa lamang dugay sa syudad sa Malaybalay.

Sa pamahayag ni DOST-Philvolcs Regional Officer In-charge Mr. Marcial Labininay ang nahimong dinapit nga mamumulong, aduna’y 300 ka mga bulkan sa tibook Pilipinas, kung aha baynte tres (23) niini ang aktibo.


Sa Luzon adunay natala nga dose (12) ka aktibong bulkan; sa Visayas adunay tulo (3); og sa Mindanao adunay walo (8) nga mao ang Ragang Volcano nga anaa sa Lanao del Sur og Cotabato, Makaturing sa Lanao del Sur, Leonard Kniaseff sa Davao del Norte, Matutum og Parker Volcano nga anaa sa Cotabato, Bud Dajo Volcano sa Sulu, Hibok-Hibok sa Camiguin og ang Mt. Kalayo sa Musuan nga anaa sa probinsya sa Bukidnon nga nibuto niadtong tuig 1866 og tuig 1867 nga giila isip usa sa mga aktibong bulkan dinhi sa Pilipinas.

Gisaysay usab ni Mr. Marcial nga adunay tulo (3) ka klase sa bulkan nga mao ang; Active Volcano nga nakabuto na sa milaby’ng 500 ka tuig, Potentially Active Volcano nga nakabuto sa milaby’ng 10,000 ka tuig og ang Inactive Volcano nga walay record sa bisan unsang eruption pero adunay history of volcanoes activities nga ginatawag og volcanic earthquake, pagpanglaya sa sagbot bisan panahon sa ting-ulan, adunay baho sa mga sulfuric nga masimhutan duol sa bulkan og anaay mga aso-aso.

Gipahibalo usab ni Mr. Marcial nga sa kasamtangan, wala pay bisan unsang timailhan ang Mt. Kalayo sa Musuan sa mga volcanic activities sama sa pag-init sa yuta, presensya sa mga hot springs og posibleng lutsanan sa aso. Dugang pa kalmado ang maong bulkan og gituohang walay volcanic earthquake nga namatikdan.

Facebook Comments