MGA NAGLANGKOB SA THIRD PARTY FACILITATOR TAGTAKDA MAKIGKITA SA KADAGKUAN SA PNP UG PHIL ARMY NAN SURIGAO DEL NORTE
Tagtakda na makigkita kuman adlawa an mga naglangkob sa Third Party Facilitator ngadto sa kadagkuan nan Phil. National Police ug Phil. Army nan Surigao del Norte para matuki an isyu sa plano sa pagbuhi nan New People’s Army sa umaabot na Disymbre 1 hangtud 10 sa mga tagdagit na sila ni P02 John Paul Doverte ug P02 Alfredo Degamon Jr.
Sumaya pa ni Atty. Victor Bernal, an Spokesman nan 3rd Party Facilitator, nasabtan nila an sitwasyon nila ni Senior Supt. Antony Maghari nan PNP ug Lt. Col. Allen Tomas nan 30IB Phil Army na waya sa ila gahum an pagdeklarar sa Suspension of Military ug Police Operations pero an ila gusto na diri sa Surigao isiguro nan duha na may temporary na paghunong sa operasyon bisan sa mga lungsod ra sa Claver, Gigaquit, Bacuag, Placer, Tubod ug Alegria para luwas na mabuhian an duh aka pulis lakip na wayay mahitabo sa mga nohimo nan negosasyon sa sitwasyon.
Dugang pa ni Atty. Bernal, mas nag-igmat sila sa pagkakuman labi na kay naunang tagpirmahan ni Pres. Rodrigo Duterte an isa ka mando na nagsuspende na sa pakigsabot-sabot sa kalinaw nan gobyerno nan Pilipinas ngadto sa CPP NPA-NDF.
