Davao City – Matag semana adunay madakpang mga pasaherong nagpeke sa ilang negative RT PCR COVID-19 test result sa Davao City International Airport, kini ang gikumpirma ni Davao City Tourism Operations Officer Generose Tecson sa RMN Davao.
“Nagulat kami kasi every week may nahuhuling fake RT PCR test result, recently may nahuli tayo he is a service man. Na-inquest na siya at nakapag-bail na,” sumala ni Tecson.
Gibutyag ni Tecson, sagad sa mga nadakpan ang point of entry sa Manila.
Kapin na sa 200 ka mga suspek ang nadakpan sukad niadtong Marso 2021 sa pagpameke sa ilang RT PCR test result ug 170 niini nakasuhan na.
Nagpasidaan kini sa tanang pasahero nga dili peke-on ang ilang mga RT PCR o Philippines Red Cross Saliva swab result sa COVID-19 tungod kay seryuso gayod ang LGU Davao sa pagpahamtang og silot sa mga violators.
RadyoMaN Aimee Guinita
