PALO, LEYTE – Mahugot nga ginbantayan han mga kapulisan an seguridad dida han nakalabay nga Semana Santa pero dida han byernes santo nagdumara hin operasyon han palo PNP ha tutulo nga barangay han mao nga bungto; an Brgy. Barayong, San jose ngan Anahaway.
Nakakarawat man gud an mga kapulisan hin report nga may mga nagtutupada o bulang han mga kamanukan ha mao nga mga barangay.
Siyam an nadakop han Palo PNP nga involve han bulang ngan tulo dinhi an mga facilitator.
Ha interview han RMN kan PCInsp. Joselito Villas, Chief Of Police han Palo PNP, maatubang an mga nadakop hin kaso nga illegal gambling nga mayada 12, 000 nga piyansa.
Ha Tacloban gihapon nagdumara hin operasyon an mga kapulisan ha Northern Barangay tungod nga may nagreport gihap nga may nagtutupada.
Pero pakyas hira nga maabtan ini nga mga tawo tungod nga nakahearing nga may mga kapulisan nga mandadakop ha ira ini in sumala kan PCInsp. Elmer Jabinar, Tacloban PNP station 2 Abucay commander.
“Maabot gihapon an panahon nga magkakadadakpan ito kay siring pa guol iton mga kapulisan nga magbiniling-biling ito ha ira kay nagbuburubalhin.”
