General Santos City—Luwas na sa talandugong kahimtang ang mukabat sa 20 ka mga indibidwal nga una nang nahilo tungod sa Ammonia leakage nga gituohang naggikan matud pa sa Storage sa Dole Philippines kagahapon sa kaadlawon.
Nasayran nga alas 12:00 sa tungang gabie dihang gipangdala sa ospital ang mga biktima nga pulos residenti sa Purok Sta Cruz Extension, barangay Cannery Polomolok human nga nakasinati ug pag suka-suka ug pagkalipong gumikan na usab sa tumang kabaho sa nag leak nga ammonia.
Samtang libuan usab ka mga residenti nga naggikan sa upat pa ka mga purok sa maong Barangay ang gihikling sa gymnasium sa Dole Philippines aron nga malikay ang mga nasangpit sa tumang kabaho. Hinuon namalik man gilayon sa ilang mga panimalay human nga nawagtang na ang leak sa ammonia human nga nakahimo dayon ug aksyon ang kumpanya.
