General Santos City–Kinahanglang mupailawom gyud sa “mandatory basic training”sa Department of Interior and Local Government (DILG) ang mga nakadaog sa Sangguniang Kabataan election.
Sumala ni Rihilimin Sandoval- labaw sa DILG-Gensan, angay lang nga mapailawom sa basic training ang mga napiling SK chairman ug ilang mga kagawad aron sila makat-on sa mga buluhaton isip mga pulic offial.
Kini aron usab masayod sila kung unsa gyud ang ilang mga katungdanan ilabi na karon nga gitugtan na usab sila nga muhupot ug budget alang sa mga proyekto.
Dugang pamahayag ni DILG-Gensan head Rihilimin Sandoval nga pipila sa mga angayang masayran sa mga SK officials mao ang mga pamaagi sa pagpahigayon ug meeting ingon man paghimo ug mga resolusyon.
Sumala ni Sandoval nga sa ipahigayong basic training dunay mga subayon nga module kung asa unod niini ang mga importanteng leksyon nga angay makat-unan sa mga opisyal sa SK. (Jordan Britos)
