Mga nakapauli nga LSIs kag OFWs sa Capiz, halos 5, 000 na!

31

Roxas City, Capiz – Naglab-ot na sa kabug-osan nga 4, 959 ang mga nakapauli nga locally stranded individuals(LSIs) kag repatriated OFW pabalik sa probinsya sang Capiz. Sa nasambitan nga numero, 4 124 ang mga LSIs samtang 835 naman ang mga OFW repatriates nga nakapauli sa probinsya, as of July 01, 2020. Base sa rekord sang Provincial Disaster Risk Reduction and Management Office(PDRRMO), ang Roxas City ang may yara sang pinakadamo nga mga nakapauli nga LSI kag OFW nga nagalab-ot sa 1, 138. Samtang base sa Capiz Provincial Health Office(PHO), duha ka OFW repatriates ang nagpositibo sa corona virus disease 2019. Isa diri amo ang taga-banwa sang Tapaz kag isa nga nagabusong nga babaye nga taga-banwa sang Cuartero. Mahibaluan nga pila ka mga special flights ang ginpatikasog sang provincial government kag duha ka Mercy Voyage naman ang ginpatigayon sang gobyerno sang syudad agud nga mabuligan nga makapauli ang stranded nga mga Capizeño sa Metro Manila kag iban nga lugar sa NCR.
photo(c)- PDRRMO Capiz

Facebook Comments