Namalik na sa ilang mga panimay ang mga residente sa lain-laing mga lugar sa amihanang Sugbo nga namakwit tungod sa bagyong si Tisoy .
Sa talaan sa Provincial Disaster Disaster Risk Reduction and Management Office (PDRRMO) moabot ug 1,488 ka mga pamilya o 7, 376 ka tawo ang gipabakwit sa mga evacuation center tungod sa hulga sa bagyong Tisoy.
Apan tungod kay gilibkas na sa Pag-asa ang warning signal sa tibook Sugbo gitugtan na nga makabalik ang mga residente ngadto sa ilang pinuy-anan.
Sa lungsod sa Daanbantayan sa tumoy nga bahin sa Sugbo adunay 778 ka pamilya o 4,126 ka tawo gikan sa 20 ka barangay ang gipabakwit kay daplin sa baybayon ang ilang barangay .
Samtang ugmang adlawa, Disyembre 4, mobalik na usab ang klase sa lain-laing mga tunghaan nga nisuspenso sa klase sud sa duha ka adlaw tungod ni bagyong Tisoy .
