Mga namaligya ug pabuto hugot nga gimonitor sa BFP 10

16

Hugot nga gimonitor sa Bureau of Fire Protection ang mga namaligya ug firecrackers ug pabuto.

Sa interview sa RMN Malaybalay ngadto kang BFP 10 Regional Spokesperson Noli Dela Rita, gibutyag niini nga hugot nilang gipatuman ang executive order no. 28 nga nagregulate ug nag-kontrolar sa paghimo ug paggamit sa mga firecrackers kon pabuto.

Matud ni dela Rita nga ilawom sa mao nga kamanduan adunay mga gi-designate lang nga mga dapit kung aha pwede mamaligya ug aha pwedeng magpabuto.

Sa fireworks designated areas aduna lay mga tawo nga pwedeng mudagkot sa pabuto ug ang LGU maoy musuta kung aha kini dapit ibutang nga luwas sa publiko.

Kung aduna matud pay illegal nga nagggamit sa gibawal nga pabuto ereport gilayon ngadto kanila.

Nalipay usab ang BFP nga walay mga natalang nabuthan sa firecrackers sa rehiyon 10 hangtod karon sukad kaniadtong gisugat ang Pasko.

Naglaom usab kini nga unta walay matala nga nabuthan sa rehiyon ilabina unyang gabie nga maoy pinaka crucial nga panahon sa paggamit ug pabuto.

Facebook Comments