Hugot nga gimonitor karon sa Provincial Veterinary Office ang mga namuhi ug baboyan sa Bukidnon.
Sa interview sa RMN Malaybalay ngadto kang Provincial Veterinarian Dr. Nancy Diez, gibutyag niini nga kini sa tumong aron dili matakbuyan ang probinsya sa African Swine Fever kon ASF.
Nasayran nga 86% sa total hog production sa rehiyon 10 gikan sa Bukidnon.
Ang Northern Mindanao usab ang ikatulo sa pinakadagahang baboy sa tibook nasud Pilipinas.
Ang Bukidnon usab ang genetic sources nga gisupply sa tibook Pilipinas maong kinahanglan maprotektahan ang lalawigan gikan sa mga sakit nga maka-apekto sa ekonomiya sa babuyan.
Matud ni Dr. Diez nga wala usab daw kaayo silay nakita nga problema sa mga commercial hog raiser tungod kay intact ang ilang gipatuman nga biosecurity.
Gibana-banang anaa sa 570,000 ka population sa baboy sa Bukidnon kung ibutang matud pa nga 10,000 pesos ang kantidad sa kada baboy muabot sa 5.7 bilyon ang kinatibuk-ang kantidad.
