Maayon, Capiz – Pilason ang isa ka persona sang ini ang nalab-an kag nabun-an alas dos sang kaaganhon sa Brgy West Villaflores sa banwa sang Maayon.
Ginkilala ang biktima kay Rexim Margante y Calanza, 26-anyos ang pang-edaron nga nag-angkon sang madamo nga kapilasan sa lawas matapos ginlabo sang suspek nga nakilala kay Edelino Dullano sang Sitio Pangpang Brgy Tapulang, Maayon, Capiz.
Suno sa inisyal nga imbestigasyon sang mga kapulisan, halin ang mga ini sa binaylehan sakay sa motorsiklo apang naakig ang suspek matapos nag-overtake sa iya ni Rexim Margante kabangdanan sang paglagas sini kag ginlabo ang biktima.
Sa subong padayon pa nga atlarge ang amo nga suspek nga madasig nga nagpalagyo matapos ang insidente.
Facebook Comments
