Davao City- Gipakusgan pa sa Naval Forces Eastern Mindanao ang ilahang focus operations kontra sa mga illegal nga mga aktibidad sa kadagatan partikular na ang pagbyahe og mga smuggled cigarettes.
Sa interbyu sa DXDC RMN Davao kang CDR Renante Del Prado, Acting Commander sa Naval Task Group 7.1, sa sunod sunod nga nga operation pito na ka mga motorized bancas ang ilahang nadakpan diin gibyahe ang mga sigarilyo gikan sa mga silingang nasud sama sa Indonesia.
Mobalor sa P100 million na ang kantidad sa mga nasakmit nga mga smuggled cigarettes.
Na-turn over na sa PNP ang mga nadakpang crew kansang nalambigit sa pagpalusot og mga sigarilyong walay dokumentos.
Nagpasidaan si Prado ngadto sa mga padayong gahimo’g illegal nga aktibidad nga dili sila muhunong sa ilahang intensified operations sa NFEM kutob sa maundang na kini.
RadyoMaN Aimee Guinita
Facebook Comments
