Mga naserbisyuhan sa ‘Pasalamat Caravan’ mapasalamaton

Davao City – Mapasalamaton ang mga residente sa upat ka mga managlaing Brgy. sa syudad sa Davao human nga naka-avail sa libreng ibot sa ngipon (tooth extraction) sa gipahigayong “Pasalamat Caravan sa DXDC 621 RMN Davao.

Sumala ni Misel Miral, DXDC radio anchor ug Special Projects Head, daghan ang nalipay sa maong aktbidad ug nagpasalamat diin gawas sa libreng ibot sa ngipon, daghan usab ang nahatagan og paprempyo pinaagi sa mga padula ug pa-raffle uban ang DXDC team.

Unang gihimo ang “Pasalamat Caravan” niadtong June 5, 2018 sa Brgy. Ilang covered court, gisundan niadtong June 7 sa Calinan riverside covered court ug sa Brgy. Daliao, Toril, Davao City kagahapong adlawa samtang kaganina ang ulahing hugna sa “Pasalamat Caravan” nga gihimo sa S.I.R Phase 1, Brgy 76-A covered court subay sa ika-58th anniversary sa DXDC RMN Davao nga giselebrar karong adlawa, Hunyo 12.


Ang ‘Pasalamat Caravan’ maoy pamaagi sa DXDC aron mapasalamatan ang katawhan sa padayong pagsuporta sa sibyahanan sulod sa 58 ka tuig na ug lauman pa nga mas daghan pang aktibidad ang himuon sama niini diin gawas sa mga balita, ihatod usab sa DXDC RMN Davao ang serbisyo publiko.

RadyoMaN Renz Barbarona

Facebook Comments