Mismo si DSWD Undersecretary Alan Tanjusay ang nangunay sa pagtunol og 10k pesos cash assistance sa mga biktima sa sunog sa Barangay 21, ug Barangay 22 ning siyudad di palang dugay.
Si Usec. Tanjusay maoy nagrepresenta kang DSWD Secretary Rex Gatchalian nga gisaksihan sab mismo ni DSWD XI Regional Director Atty. Vanessa Goc-ong, mga representante gikan sa City Social Welfare and Development Office ug sa mga opisyales sa duha ka barangay atol sa paghatag sa ayudang pinansiyal.
Nasayran, mukabat sa 684 ka pamilya sa Barangay 21-C ug 370 ka pamilya gikan sa Barangay 22-C ang mga na-ugdawan og mga balay sa kasagsagan sa nahitabong sunog niadtong Pebrero 25,2023.
Una nang nagtunol og pagkaon, mga sinina, mga hygiene kit, kitchenware ug uban pa ang rehiyonal nga buhatan pinaagi sa ilahang Disaster Response Management Division niadtong Pebrero 27,2023.
RadyoMaN Joel Viray
