Mga nasunugan nakadawat og tabang gikan sa gobyerno

Pagadian City – Mokabat sa 136 ka pamilya nga nasunugan nga nanghiklin sa Barangay Dumagoc ning syudad sa Pagadian, ang bag-o lang nakadawat og relief goods ug cash assistance gikan sa gobyerno.
Si Senator Christopher Lawrence “Bong” Go maoy nangulo sa pagtunol sa relief goods ngadto sa pamilyang nabiktima sa sunog nga anaa karon sa Dumagoc Gym.
Pinaagi usab sa pag-abag ni Presidential Communications Operations Office Secretary Martin Andanar, Mayor Samuel Co ug mga opisyales sa syudad.
Ang mga resipyente sa relief assistance nga nawad-an og panimalay niadtong Agosto 30 nakadawat sila og cash assistance, food packs, kitchen utensils ug uban pa gikan sa Department of Social Welfare and Development, Technical Education and Skills Development Authority, Department of Trade and Industry, Philippine Charity Sweepstakes Office, National Housing Authority ug sa City Government.
Nipasibaw usab sa ilang pagpasalamat ngadto sa tanang national ug local government officials ang mga nabiktima sa sunog sa tabang nga ilang nadawat nga makatabang sa ilang nasinati nga kalisod.
Photo credit to PIA Western Mindanao

Facebook Comments