Mga nawarayan hin trabaho lakip an mga biktima han sunog ha Robinsons Tacloban, pwedi na makag-apply hin unemployment benefit

313

Gin-papanawagan han Social Security System (SSS) Tacloban Branch an purluminos 138 katawo nga nawarayan hin trabaho lakip an mga biktima han sunog ha Robinsons Place Marasbaras-Tacloban nga nakapasar ha initial evaluation han SSS nga pwedi na makag-apply para han unemployment benefit nga gin-o-offer han ira buhatan.

Sumala kan Crestian Jaca, Public Information Officer han SSS Tacloban Branch, tubtub Desyembre 3 an gin-hatag nga talaan nga adlaw ha pag sumiter hin form ngan iba pa nga mga requirements han mga eligible beneficiaries han mao nga batch nga nakapasar han initial evaluation.

Dugang pa ni Jaca, kinahanglan dad-on han mga benepisyaryo an ira SSS ID o 2 valid IDs ngan an certification tikang ha DOLE. An makakarawat nga benipisyo in naka-depende ha monthly salary credit han usa nga myembro han SSS.


Pagklaro naman ni Jaca, pwedi pa mag-apply an iba nga myembro nga na “involuntary separate” ha ira trabaho basta nakag-contribute hira hin maabot 36 months. Pwedi naman bumusita ha bisan ano nga branch pagpakiana kun eligible ba han unemployment benefit han SSS.

Facebook Comments