Davao City – Naghinay-hinay na og pondo og asin ang usa ka tindera og street foods sa Matina ning syudad human nadunggan nga dunay kakulangon sa supply sa asin.
Usa ka Elsa ang namalit na og asin tungod basin mahutdan kun maabtan og taas nga presyo.
Subay niini, giklaro sa Department of Trade and Industry (DTI) pinaagi kang Undersecretary Ruth Castelo kagahapon nga walay kakulangon sa supply sa asin ug dunay 3-4 ka mga kumpanya nga nagahimo pa og asin.
Hinuon gikumpirma sa DTI nga dunay pagtaas sa presyo sa asin diin sa ilang talaan, anaa sa P21.75 ang presyo sa iodized rock salt sa matag 500 grams samtang P23 kada kilo.
Kahinumduman nga unang giingon sa Department of Agriculture nga nakasinati og shortage sa asin ang nasud.
RadyoMaN Renz Barbarona
Facebook Comments
