Sa Tagum City, trabahante sa plywood business patay sa pagpamusil

154
Davao City – Gipusil sa ulo ang usa ka trabahante og plywood bandang alas 10:46 sa buntag hinungdan sa hinanaling kamatayon sa biktima.

Sa report sa Tagum PNP, nahitabo ang insidente sa Purok 4, Santol, Barangay La Filipina, Tagum City, Davao del Norte diin giila sa otoridad ang biktima nga usa ka Raymund Laguna Amper, 33 anyos, empleyado sa Chamberson Plywood, residente sa Mesaoy New Corella sa maong probinsya.

Dugang sa report, subay sa saysay sa uyab sa biktima, samtang sila nagbyahe sakay sa motor sa biktima, giharangan sila sa wala mailhing suspek ug dayon gipusil ang biktima.

Dali usab midagan ang uyab niini tungod sa kahadlok ug daling nanawag ug kapulisan.

Naglusad og hot pursuit operation ang otoridad aron ma-track ug madakpan ang suspek.

Narekober sa crime scene processing ang bala nga gituohang gikan sa Cal.45 pistol.



RadyoMaN Renz Barbarona

Facebook Comments