ILOILO City – Ginkalipay sang mga restaurants kag bar owners ang desisyon ni mayor Jose Espinosa III nga isuspend ang implementasyon sang EO 146.
Ang EO 146 amo ang pagdumili sa pagbaligya sang makahulobog nga ilillmnon sa mga bars kag restaurant nga sakop sang syudad paglagpas sang alas dos sang kaagahon.
Suno kya Jim Velez, president sang smallville-boardwork business owners association, dako nga bagay ang desisyon ni Espinosa nga isuspend ang executive order.
Pahayag ni Velez, indi mangin maayo ang impression sang mga bisita nga magasaksi sang dinagyang kun pag-abot sang alas dos sang kaagahon wala na sila sang makadtuan nga bars ukon restaurant.
Nagalaum si Velez nga makadugang ini sang income sang mga restaurants kag bars sa syudad.
Una na nga ginpahayag ni Espinosa nga ginsabat lamang niya ang rekumendasyon agud mahatagan sang higayun ang mga negosyante nga makakita sang mas dako sa ti-on sang festival.
Suspendido ang EO 146 sugod Enero 25-27 nga magatapos alas dos sang masunod nga adlaw.// via Joel Franco
Photo from web
