Davao City- Apektado ang mga negosyo sa nahitabong pagbusikad sa usa ka restobar sa Roman Diaz Street, Barangay Calinan Poblacion, Calinan Dist., Davao City.
Sa interbyu sa DXDC RMN Davao sa mga beauticians nga sila Shenna Mae Brioso ug Lea Orillo wala usa nag-operate ang salon nga tapad sa restobar diin mahitabo ang insidente.
Kinahanglan nilang mudeskarte karon nga home service para sa tagsa-tagsa nila ka mga obligasyon kay wala silay income sa kalit nga insidente.
Samtang, adunay gibati gihapong kahadlok ang tag-iya sa barbershop nga nadamyos usab sa pagbusikad.
Matud ni Ruben Tamsi, gauli na kini’g sayo human sa mga insidente sa Calinan kay para niya delikado ug wala siya magkumpyansa.
Una pa man mahitabo ang pagbuto niadtong nakalabayng gabie giransak na ang maong restobar sa giingong ex boyfriend nga suspek sa krimen.
RadyoMaN Aimee Guinita
Facebook Comments
