Nagpatabang sa kapulisan ang usa estudyante kinsa alegasyong gi-hold up ug gikawatan sa Marquila Complex, Deca Tigatto, Main Road, KM. #10, Purok #16, Brgy. Waan, Buhangin District, Davao City nahitabo alas 2:55 sa kadlawon kaganina, August 9, 2023.
Sa report sa Mandug PNP, saysay ni alyas Jessa, 21 anyos, nga taga Agdao, misakay kini og side car motor gikan sa Brgy. Mandug apan pag abot sa nasangpit nga incident area, mibunlot og armas ang suspek nga nagpangidaron og 40-45 anyos dayon gitutok sa biktima ug nagdeklara og hold up.
Nakuha sa suspek ang sling bag sa biktima kinsa dali miadto sa kapulisan. Paspas usab naglusad og hot pursuit operation ang otoridad diin atol sa operasyon, misukol ang suspek pinaagi sa pagpabuto og armas rason sab nga napusilan sa otoridad ang lalaki kinsa nakaangkon og samad-pinusilan ug dali gidala sa ospital.
Ginasuta na sa kapulisan ang dugang detalye sa report lakip na ang identity sa alegasyong nang-hold up.
RadyoMaN Renz Barbarona
Facebook Comments
