Mga NPA lakip usa ka high ranking official, nadakpan

Nadakpan sa gipahigayong operasyon sa 88th Infantry Maringal Battalion sa kasundaluan ang duha ka mga high ranking officials sa New People’s Army (NPA) didto sa Mt. Kumong Tabanog, Sitio Lugayaran, Brgy. Palacpacan, San Fernando, Bukidnon kagahapon.

Giila ang mga nadakpan nga sila Ramil Banawan, alyas Migs, 35 anyos, Secretary sa Guerilla Front Malayag, Sub-Regional Command 2 (SRC2) sa North Central Mindanao Regional Committee (NCMRC) ug mulopyo sa Sitio Danquias, Brgy. Cawayan, Quezon, Bukidnon ug si Marcelito Bandingan, alias Niks, 18 anyos, Team Leader sa Squad Uno, Platoon Uno, Guerilla Front Malayag, SRC2, NCMRC ug mulopyo sa Sitio Miaray, Brgy. Mandahikan, Cabanglasan, Bukidnon.

Ang mga nadakpang kanhi miyembro sa NPA gipasakaag warrant of arrests sa patong-patong nga kaso sa Destructive Arson, Murder, Frustrated Murder, Attempted Multiple Murder, ug ang paglapas sa Anti-Terror Law of 2020.


Nakompiska gikan sa mga nadakpan ang usa ka AR15 Rifle ug duha ka magazine niini, usa ka Glock 17 pistol ug usa ka magazine niini. Gidala na sa 88th IB Headquarters alang sa debriefing ug COVID-19 antigen testing.

Sa pikas nga bahin, gikomendaran ni LTC Christian James P. Vingno, Commanding officer sa 88th IB ang mga ginsakupan sa malampusong operasyon lakip ang mga sibilyan nga mikooperar sa pagkasikop sa mga suspetsado.

Facebook Comments