NAG-isyu karon ug statements ang mga obispo ug ang clergy sa Roman Catholic Diocese sa Dipolog kini mahitungod sa ilang pastoral letter penetsahan ug Enero 27, 2015 usa ka pag-awhag ug usab statement of concern gikan sa obispo ug sa clergy sa diocese sa dakbayan mahitungod na sa nagpanghitabong extrajudicial killings ilabina sa dakbayan sa Dipolog, lungsod sa Sindangan ug sa ubang bahin sa probinsya sa Zamboanga del Norte niadtong mga panahona.
Sa kopya sa sulat nga nadawat sa Rmn-Dipolog gikan sa Roman Catholic Bishop sa Dipolog, Inc., Office of the Vicar General ning syudad, gipahayag niini nga si Most Rev. Severo Caermare obispo sa Dipolog wala nagpadala ug bisan usa sa iyang mga kaparian o bisan kinsang indibidwal alang o in his behalf aron mangayo ug pasaylo written o verbal ngadto sa gubernador ning lalawigan sa Zamboanga del Norte o bisan ngadto sa iyang asawa mahitungod sa unod sa maong pastoral letter.
Gawas pa niini, wala usab nila pa gi-single out ang lungsod sa Polanco sa mao nilang statement, diin nakabutang sa ilang statement kaniadto ang ilang kabalaka ug alarma mahitungod sa kaso sa extrajudicial killings ilabina sa Dipolog, lungsod sa Sindangan ug sa ubang bahin sa lalawigan diin nahimong serye ang patay.
Gipadayag sa maong sulat nga ang Roman Catholic Bishop sa dakbayan sa Dipolog Most Rev. Severo Caermare ug ang clergy nagpabiling matinud-anon sa ilang pastoral letter nga ilang gimugna niadtong Enero 27, 2015 ug wala mi-usab sa bisan unsang paagi kung unsa man ang ilang awhag sa katawhan sa Ginoo hangtud ning kasamtangan.
Pahayag pa sa mga obispo nga ilang gi-isyu ang maong statement aron pagpalig-on sa integridad ug sa dignidad sa Roman Catholic Diocese of Dipolog ug alang usab sa paggawas sa kamatuoran.
Ang maong statement gipagawas sa mga obispo sa dakbayan human sa gihimong congressional hearing niadtong Septembre 26 ning kasamtangang tuig diin gipahayag sa amahan sa lalawigan, nga usa sa mga pari ang nangayo ug pasaylo ngadto kaniya kabahin sa ilang gi-isyu niadto nga statement of concern kabahin sa sunod-sunod nga patay kaniadto dinhi sa dakbayan ug sa ubang lungsod ning lalawigan.| Mardy Libres
tag: mardy libres
