Mga official ballots kag iban pa nga mga election paraphernalia nga gamiton sa Mayo 13 nga eleksyon halos nag-abot na, suno sa Provincial Treasurers Office.

Gindiritso na padala sa mga municipal kag city treasurer’s office ang mga officials ballots nga gamiton sa Mayo 13 midterm election matapos nga nag-abot na ini sang nagligad nga semana, suno kay Provincial Treasurer Alvm Batol.
Suno sa iya sa subong ang yara sa ila nga kustodiya ang indelible ink, secrecy folder, bond paper, packaging tape kag iban pa nga forms nga gamiton sa nagahilapit nga pagpiniliay nga amat-amat na nga ginakuha sang mga municipal treasurer’s office.
Ginpahayag niya man nga posible wala na sang mag-abot nga mga supplies bag-o ang Mayo 13 nga eleksyon.
Ginkumpirmar man ni Batol nga indi naman mag-agi pa sa ila nga opisina ang mga vote counting machine ukon VCM.