General Santos City–Uyon ang 3 ka mga barangay official sa Gensan sa sugyot nga ipaubos sa lifestyle check ang mga pulis aron nga masayran ang klase sa pangunabuhi, kini human ang mga issue nga ginahapak sa pipila ka personalidad sa PNP kabahin na sa mga ninja cops.
Sumala pa ni Barangay West Kapitan Aying Acharon nga uyon siya aniini apan mas maayo ug unahon ang mga pulis nga kwestyonable kaau ang klase sa pag panginabuhi.
Sumala pa niini nga makita man gayud bisan sa usa ra katan-aw nga aduna gayuy mga pulis nga wala nahaum ang ilahang lifestyle sa sweldo nga ginadawatan matag bulan.
Samtang alang usab kang Barangay Apopong Kapitan Paolo Natividad nga mas maayo kung dili lang pulis ang ipailawom sa lifestyle check sanglit iapil usab ang uban pang mga trabahante sa gobyerno tungod isip trabahante sa gobyerno kinahanglan gayud nga transparent sila sa katawhan nga ilang giserbisyohan.
Uyun usab si Barangay Buayan Kagawad Alex Rafanan sa maong sugyot tungod kay nag tuo kini nga pinaagi sa pagpailawom sa lifestyle check sa sakop sa kapulisan mawagtang ang mga pagduda sa pipila sa han-ay sa kapulisan hilabi na karon nga nag atubang sa jkontroberiya ang pipila ka tag-as nga opisyal sa PNP.
Nagtuo usab ang tulo ka mga opisyal nga bisan paman as mgmakontrobersya nga giatubang karon sa PNP aduna gihapoy daghang tarong sa ilang han-0ay ug nagtrabaho ug sakto ug tinuoray.
