General Santos City— Gipaklaro ni Police Superintendent Marvin Dua-Dua, hepe sa Polomolok PNP nga dili lang sa ilahang municipyo adunay gihimong re-shuffling sa mga opisyal kundili sa tibuok probinsya sa South Cotabato.
Sumala niya nga gikan mismo sa national headquarters ang mando nga hulipan sa posisyon ang mga opisyal nga wala makapa-ilalom sa IOBC Kon Investigation Officers Basic Course.
Pag-angkon niya nga sa South Cotabato adunay-ubay-ubay nga opisyal nga wala maka-pailom niini rason nga sila na-relib sa pwesto.
Dugang pamahayag ni PSupt. Dua-Dua nga sa South Cotabato dili muubos sa lima ka mga opisyal nga napulihan ug mga bag-ong Chief Of Police.
Saysay niini nga ang re-shuffling ang dili mahitungod sa daghan nga kasong naitala nga wala nahatagan ug kasulbaran kundili ang re-shuffling ang gihimo subay sa kamanduan sa higher headquarders.
Igo lang matud pa nga mituman ang probinsya sa South Cotabato, gani siya nanghinaut nga ang mga opisyal nga wala pa makapa-ilalom sa iobc ang makakuha na niini aron nga mahatagan usab ug posisyon isip mga Commander sama sa Chief Of Police.
