Plano sang grupo nga Philippine Business for Education ukon PBED nga makig-partner sa City Government of Iloilo para mahanas kag mahatagan sang employment opportunities ang mga out of school youths.
Targget sang PBED nga ilunsyar sa syudad sang Iloilo sa 2nd quarter sang 2019 ang youthworks ph, isa ka 5-year kag 1.7 billion pesos nga workforce development project nga ginpondohan sang United States Agency for International Development (USAID).
Ang youthworks ph nagatuyo nga mangin responsive ang edukasyon kag trainings sa kinahanglanon sang ekonomiya paagi sa partnership sa LGU, industriya kag academe agud mahatagan sang kahigayunan nga makatrabaho ang mga kabataan nga wala naga-eskwela.
Suno kay Hanibal Camua, policy and advocacy manager sang PBED, napilian nila ang syudad sang Iloilo bangud sentro ukon hub ini para sa urban growth kun ekonomiya ang hambalan.
May anom ka focus areas ang trainings nga amo banking and finance, agriculture, construction, tourism and hospitality management, manufacturing, kag sa patag sang energy.
