Sangko sa langit ang kalipay nga gibati ni Daniel Esen, 41 anyos nga taga San Isidro, Balingasag Misamis Oriental human niya makita pag-usab ang iyang duha ka mga anak.
Si Esen ang unang nagtext kang Radyoman Konsehal Zaldy Ocon nga siya matabangan unta nga makita ang iyang mga anak hinungdan nga dali kining gi-aksyunan pinaagi sa Investigative team sa RMN-DXCC sa pagpanguna ni Radyoman Jao Gumapac.
Nasayran nga 15 ka tuig ng wala makita sa amahan ang iyang mga anak human nga gidala ang mga bata sa ilang inahan nga si Jollibee Dacyas Esen- sa Kibinton, Impasug-ong Bukidnon human kini magsakit.
Tungod sa pagpaningkamot sa Investigative team, personal nga nakita pag-usab ni Esen ang iyang asawa ug duha ka mga anak pinaagi sa programang Straight to the Point- KUSKOS Batikos kaganinang buntag, nga naghatag og positibong reaction sa mga tigpaminaw.
