Mga overpass sa syudad buhion sang PSTMO, mga ilonggo edukaron sa pagsunod sa trapiko sa syudad

ILOILO City – Luyag edukaron sang syudad ang mga pumuluyo sa pagsunod sang mga pagsulondan sang trapiko sa syudad.

Suno kay Public Safety, Transportation and Management Office ukon PSTMO, umpisahan nila ini paagi sa pagtudlo sa mga estudyante nga gamiton ang mga pedestrian overpass sang syudad.

Kahapon gin-buksan liwat sa publiko ni mayor Jose Espinosa III ang pedestiran overpass sa atubang sang West Visayas State University kag Iloilo National High School.

Pahayag ni Conlu isa lamang ini sa mga overpasses nga pagabuhion sang syudad.

Siling ni Conlu umpisahan nila ang kampanya sa mga estudyante bangud sila ang palaabuton nga mangin driver ukon tag-iya sang salakyan. /// Photo from web