Read: Hebrews 12:25-28
Gipaambit sa akong higala ang iyang nasinatian nga kabug-aton. Sa iyang pagmata usa niana ka buntag daw dili kuno niya masabtan ang iyang gibati. Nag-ampo siya sa Ginoo apan nagpabilin gihapon sa iyang kasing-kasing ang gibating kabug-at. Paglabay sa pila ka adlaw gikan niadto iyang nasinatian ang mga pagtay-og sa iyang kinabuhi diin nagsugod paguwa ang mga problema nga dili niya ‘lubos maisip’ asa gikan.
Sa Old Testament times dunay mga higayon nga makig-estorya ang Ginoo sa mga katawhan sa Israel pinaagi kang Moses dungan ang pagtay-og sa yuta(Exodus 19:16-19). Sa New Testament ang mga Apostoles ni Jesus Christ nga sila Peter ug John (Acts 4:31) ug bisan si Apostol Pablo(Acts 16:26) nakasinati sab og ‘ground shaking’ human sila nag-ampo. Kini nga mga panghitabo was regarded in the bible times as a symbol of God’s presence.
Sa karon nga panahon, dunay mga higayon nga makig-estorya kanato ang Ginoo pinaagi sa pagtay-og sa atong kinabuhi aron i-reveal kon ipakita kanato ang mga butang nga angay tang himoon maybe the things that we need to prioritize in life.
Tay-ogon usab kita sa Ginoo to remove something unnecessary from us. Mga excess baggage sama sa sala, dili pagpasaylo, mga kahadlok, kabalaka ug uban pang negatibong pagbati mao ang mga bug-at nga kargada nga mopaluya ug mopahinay sa atong panaw sa kinabuhi. Kini nga mga butang ang buot sa Dios nga tanggalon gikan kanato diha sa Iyang mga pagtay-og because we will never go far when we are dragging around unnecessary baggage.
Nakasinati ka ba’g mga pagtay-og sa imong kinabuhi karon sama sa akong higala? Dunay maayong katuyuan ang Ginoo niana kasama – not to harm you but to bring out the best in you.
Pastor Leo
