Patay ang 5 ka bulan nga bata nga lalaki kag ang amay, Samtang 50/50 ang asawa kag naga padayon nga gina bulong sa WVMC. Gin kilala ang mga biktima sanday Muamar Ditingki 29 anyos , Mohamed 5 ka bulan kag si Asnifah Ditingki 21 anyos lunsay tanan sang Zarraga,Iloilo.
Ini matapos suno sa imbistigasyon sang Mandurriao PNP gin pang martilyo ang mga biktima sang suspek nga gin kilala sa kay Mark Ganava 19 anyos sang Brgy. Mambagaton,Himamaylan, Negros Occidental apang temporaryo nga naga istar sa Brgy. Calajunan, Mandurriao .
Nahibalo-an natabo ang insidenti takna 3:45 kaina sang kaagahon sa Plaza Mandurriao sang naga katulog ang mga biktima sa sulod sang ila kiosko sang ginsulod sila sang suspek kag gin pang martilyo sila isa-isa nga gin kamatay sang 5 ka bulan nga bata kag amay sini.
Posible naman gina tudlo ang suspek pinaagi sa witness nga nakakita sang krimen. Dugang nga detalyi Bantayan sa Rmn Iloilo .
Na recover naman ang martilyo sa crime scene,sa karon priso sa lock up cell sang Mandurriao, PNP ang suspek. Nahibalo-an diri nga naga negosyo sang mga RTW sa Plaza sang Mandurriao ang mag asawa nga muslim.
